အတွေးမှတ်စုများ (၂)  

Posted by ADMIN in


  • မနက်တိုင်းတွင် ဘ၀သစ်တစ်ခုကို စတင်ရန် အခွင့်အလမ်း သင့်တွင်ရှိသည်။


  • ဖြစ်မြောက် အောင်မြင်လိုသောဆန္ဒရှိသူအား ဘယ်အရာမှ တားဆီးခြင်း မပြုနိုင်။ အခက်အခဲ အတားအဆီးတိုင်းသည် သူ၏ ကိုယ်၊ စိတ်၊ ကြွက်သားများ စွမ်းဆောင်ရည် တိုးတက်အောင် လေးကျင့်ပေးသည့် အရာများသာဖြစ်သည်။


  • လူတကာနှင့် ယှဉ်ပြိုင်ရဲသော စိတ်ရှိရလိမ့်မည်။


  • စိတ်ဓာတ်မကျအောင် သတိပြု ထိန်းသိမ်းပါ။


  • လူတို့သည် အခွင့်အရေးကို မမြင်တက်ကြ၊ အကြောင်းမူ အခွင့်အရေးသည် " အလုပ် " အသွင်ဖြင့် အလုပ်သမား ၀တ်စုံကို ၀တ်၍ လာတတ်သောကြောင့်ဖြစ်သည်။


  • ဘ၀ဟူသည် သင့်ဖန်တီးမှု ၁၀% နှင့် သင့်ခံယူမှု ၉၀% တို့ ပေါင်းစပ်ထားသည်။


  • အမှန်တကယ် စစ်မှန်သော ချီးကျူးစကားသည် လူတစ်ယောက်အား မိမိလုပ်ရပ်အပေါ် ပို၍ ထက်သန် တက်ကြွစေမည့် အင်အား အကောင်းဆုံးသော တိုက်တွန်းမှုတစ်ရပ်ဖြစ်သည်။


  • လူအများရှေ့တွင် ချီးမွမ်းပါ။


  • နည်းနည်းကလေး ပိုလုပ်တတ်သော အလေ့အထကို မွေးမြူပါ။ တစ်ခုတည်းပဲ ရွေးလုပ်ပါ။


  • ကြောက်စိတ်သည် လူတို့ကို အစွမ်းသတ္တိ ကင်းမဲ့စေသည်။ ကြောက်စိတ်သည် အခက်အခဲမျိုးစုံ ဖန်တီးပေးတတ်သည်။


  • စိတ်ညစ်စရာ တွေနဲ့ ကြုံခဲ့ရင် ရင်ဖွင်ဖို့။ စိတ်ပျက် အားငယ်နေချိန်မှာ အားပေး နှစ်သိမ့်ဖို့။ ပျော်ရွှင် ကြည်နူး နေချိန်မှာ မျှဝေ ခံစားဖို့။ တကယ် လိုအပ်နေတာက " သူငယ်ချင်းကောင်း " ။


  • ဘ၀မှာ အငြိမ်းချမ်းဆုံး နေချင်ရင် ကျေးဇူးရှိတဲ့သူ အားလုံးကို မစော်ကားမိစေပါနဲ့။


  • လူ၌ သတိတရားမကင်းရ၊ အသိတရားလည်းမကင်းရ၊ သတ္တိလည်း ကင်း၍မရသလို ဇွဲကိုလည်း ဘ၀ခရီး၌ အမြဲခေါ်ယူနိုင်ပါမှ။


  • အခက်အခဲဆိုသည်မှာ မခံချင်စိတ်နှင့် ဇွဲရှိသူအဖို့ ယာယီ အခိုက်အတန့်သာ ဖြစ်သည်။


  • ပုခုံးနှစ်ဖက်ကြား ခေါင်းပေါက်ပြီးသူ ဖြစ်လျှင်၊ သူဖြစ်လျှင် ကိုယ်လည်းဖြစ်ရမည်။


  • အလျှော့မပေးသမျှ ကာလပတ်လုံး အရှုံးဟူ၍မရှိ။ ရှုံးလျှင်လည်း ယာယီ အခိုက်အတန့်သာ ဖြစ်သည်။ ထာဝရအရှုံးမဟုတ်။ လူဟူသည်မှာ မရမနေ၊ မဖြစ်မနေ၊ မရောက်မနေ၊ မအောင်အလျှော့၊ မဆုတ်တမ်း တင်းခံနိုင်သော စွမ်းရည်ရှိသည်။


  • စီးပွားရေး အလုပ်၌ ဇွဲရှိရမည်၊ ဇွဲသည် စီးပွားရေးအတွက် ဂုဏ်ရည်ဖြစ်သည်။ ဇွဲမရှိပါက စီးပွားရေးမှာ ကျဆုံးဖွယ် လမ်းသာရှိလေသည်။


  • အချိန်ဆွဲခြင်း၊ ပျင်းရိလေးလံခြင်းက တက်ကြွစိတ်၏ ရန်သူများဖြစ်သည်။


  • လုပ်မှဖြစ်မည်။ ရှာမှရမည်။ စားမှဝမည်။ သွားမှရောက်မည်။ သင်မှတက်မည်။ မေးမှသိမည်။ သည်းခံစိတ်ထားမှ စိတ်ချမ်းသာမည်။


  • အပေါင်းသင်းထားမှ အကြောင်းအချင်းများ ဖြေရှင်းရလွယ်ကူမည်။ အကျိုးတူရာ ပေါင်းဖွဲဆက်ဆံတက်သော အလေ့အထ ရှိရမည်။


  • အသိညဏ်နှင့် ယှဉ်သော ပူးပေါင်း ဆောင်ရွက်မှုမျိုးမှာ အလွန် တိုးတက် ထွန်းကားခြင်း အခြေခံ တရားပင် ဖြစ်သည်။


  • လောက၌ အပေါင်းအသင်းတို့ထဲမှ ယူတတ်လျှင် ငွေ၊ အင်အား၊ အလုပ်အကိုင်၊ အတွေးအကြံ၊ ဗဟုသုတနှင့် အကျိုးအခွင့် များစွာ ရရှိနိုင်သည်။


  • လုပ်ရဲကိုင်ရဲမှုသည် သတ္တိဖြစ်သည်။



အတွေးမှတ်စုများ (၁)  

Posted by ADMIN in




  • လက်ဦးဆရာက မိဘ။ ဒုတိယ ဆရာက သင်ဆရာ၊ မြင်ဆရာ၊ ကြားဆရာ။ တတိယ ဆရာက စာအုပ်စာပေ။



  • အချိန်တစ်ခုမှာ အသိ/အတက် ပညာတစ်ခု၊ (ဒါမှမဟုတ်) စီးပွားဥစ္စာတစ်ခု၊ (ဒါမှမဟုတ်) တရားဘာဝနာတစ်ခု ကိုယ့်အတွက် ကျန်အောင်လုပ်။



  • အရေးကြီးတဲ့ လုပ်စရာတွေ အများကြီးရှိတယ်။ ကောင်းတဲ့ စာပေတွေ လေ့လာရမယ်။ ဘ၀နဲ့ပတ်သက်ပြီး လေးနက်တဲ့ ကိစ္စတွေ ဆွေးနွေး ရမယ်၊ စဉ်းစားရမယ်၊၊ အတက်ပညာ၊ အသိပညာ အမျိုးမျိုး လေ့လာရမယ်။ လေ့ကျင့်ရမယ်။



  • သတိလက်လွတ်တဲ့အခါ မှားသွားတယ်၊ ဒါကြောင့် မြတ်စွာဘုရားက သတိနဲ့နေဖို့ဒီလောက်ထိ ဦးစာပေးထားတာ။ လူတစ်ယောက်မှာ စိတ်နေသဘောထား၊ အကျင့်သီလ၊ သီလဥာဏ်၊ လုပ်ရည်ကိုင်ရည် အားလုံး အဆင့် မြင့်မားလာဖို့ အခြေခံ အကျဆုံးအချက်ဟာ သတိပဲ။




  • စိတ်ထား ရင့်ကျက် တည်ငြိမ်လေလေ အနေထိုင် အစားအသောက် ရိုးလေလေပဲ။



  • အရေးကြီးတာက ' စ ' မိဖို့ပဲ။ စ, မိပြီးရင် နဲနဲ နဲ့ မှန်မှန်လုပ်။



  • မိခင်၏ နှလုံးသားသည် ရင်သွေးငယ်၏ ကျောင်းခန်းဖြစ်သည်။



  • အရာရာတိုင်းက သူ့ကို အလေးပေး၊ တန်ဖိုး ထားတက်တဲ့သူကို မျက်နှာသာ ပေးတက်စမြဲပါ။ အဲဒီထဲမှာ "အချိန်" ဆိုတာလဲပါနေတယ်။



  • လောကမှာ ဘယ်သူတွေမေတ္တာပျက်ပျက် မိဘနှစ်ပါးက မေတ္တာမပျက်ဘူး။



  • တွေ့ကြုံ စုံကွဲဆိုတာ လောက သဘာဝပဲ ဒါကို အရေးကြီး ခွင့်ကျယ်လုပ်နေရင် ဘ၀ဟာ ပူလောင် သွား လိမ့်မယ်။



  • အချစ်ဆိုတာ ဒဏ်ရာနဲ့ မျက်ရည်တွေအများဆုံးပေးတဲ့ ဗုံးတစ်လုံးပဲ။



  • တစ်ယောက်နဲ့ တစ်ယောက် ပေါင်းသင်း ဆက်ဆံရေး ပိုမို ခိုင်မြဲစေတဲ့အရာမှာ နားလည်မှုပင်ဖြစ်သည်။



  • အရာရာကို နားလည်ရင် ပြဿနာဆိုတာ နည်းသွားမှာပါ။



  • မိမိကိုယ်ကို ယုံကြည်စိတ်ပြည့်ဝသူသည် သူတပါးကို မှီခိုအားထားလိုစိတ်မရှိ။



  • အမြင့်ဆုံးကိုမှန်းပြီဆိုလျှင် အရာရာကို ရဲရဲဝံ့ဝံ့ ရင်ဆိုင် ဖြတ်သန်းရမယ်။ လွယ်လွယ်နဲ့တော့ မရောက်ဘူး။



  • ပညာသင်ရာမှာ အရှက်တရားဟာ ရန်သူပါ။



  • လူသည် သူ့ကိုယ်သူထင်မြင်ထားသည့်အတိုင်း တကယ်ဖြစ်သည်။



  • သင့်ဘ၀သည် သင်လက်ခံသည့်အရာကို ပေးလိမ့်မည်၊။ သင်သည် သူလိုငါလို အဖြစ်မျိုးကို လက်ခံပါသလား၊ ဘ၀က သင့်အား သူလိုငါလို ဖြစ်အောင်လုပ်ပေးမည်။ သင်သည် စိတ်မချမ်းသာမှု၊ မပျော်ရွင်မှုကို လက်ခံပါသလား ထိုအတိုင်းဖြစ်အောင် လုပ်ပေးလိမ့်မည်။



ခေါင်းဆောင်မှု ကျင့်စဉ်  

Posted by ADMIN in




  • သင်သည် လူတွေကြားတွင် မကြောက်မရွံ့ သွားနေသည်ဟု လူတွေက ထင်ပါစေ။


  • လူတိုင်းချီးကျူးခံချင်သည် ဆိုခြင်းကို သတိရပါ။


  • တစ်ကြိမ်တွင် စစ်ပွဲတစ်ပွဲသာဆင်နွဲပါ။


  • အစဉ်အလာ၊ ယဉ်ကျေးမှု၊ စည်းကမ်းနှင့် ပုဂ္ဂိုရေးသိက္ခာကို တစ်ခါတစ်ရံ ဘေးချိတ်ထားပါ။


  • အင်အားကို နောက်ဆုံးအားကိုရာအဖြစ်သာသုံးပါ။


  • အဖွဲ့အစည်း တစ်ခုလုံးနှင့်ဆိုင်သော ကိစ္စများတွင် ဌာနအသီးသီး၏ အကြီးအကဲများနှင့် ပြည့်ပြည့်၀၀ ဆွေးနွေးတိုင်ပင်ပြီးမှ ဆောင်ရွက်ပါ။


  • မှန်မှန်ကန်ကန် ရပ်သူနှင့်အတူရပ်ပါ။ သူအမှားလုပ်သောအခါ ထိုသူကို စွန့်လွတ်လိုက်ပါ။


  • တစ်ခါတစ်ရံ မသိယောင်ဆောင်နေခြင်းသည်၊ အကျိုးယုတ်လောက်အောင် ထိခိုက်နစ်နာမှု မဖြစ်နိုင်။


  • ဘ၀တူပြည်သူတို့၏ ယုံကြည်အားကိုးမှုကို တစ်ကြိုမ်မျှ လက်လွှတ်ရလျှင် သူတို့၏ လေးစားကြည်ညိုမှုကို နောက်ထက်ဘယ်တော့မှ ရနိုင်တော့မည်မဟုတ်။


  • လူတစ်ယောက်အားနှိပ်ကွပ်လျှင် ထိုသူနှင့် ထိုသူ၏ မိတ်ဆွေများသည် မိမိအဖွဲအစည်းအတွက် ထာဝရ ရန်သူများဖြစ်လာနိုင်သည်။


  • မလိုတမာစိတ်ကိုရှောင်ပါ။ မေတ္တာစေတနာကိုဆောင်ပါ။


  • မိမိ၏ အကောင်းဆုံး အပြုအမူများဖြင့်သာ လူတွေကို တွေ့ဆုံဆက်ဆံပါ။


  • ကိုယ့်သိသလောက်၊ တက်သလောက်နှင့် အကောင်းဆုံး ဖြစ်အောင်လုပ်ပါ။ ပြီးဆုံးအောင် အထိလုပ်ပါ။


  • မတရား စွပ်စွဲချက်များကို တစ်ကြိမ် အရှုံးပေးလိုက်ရလျှင် နောက်ထပ် စွဲချက်များအတွက် လမ်းဖွင့်ပေးသလို ဖြစ်သွားနိုင်သည်။


  • မိမိ၏လုပ်ရပ်သည် ရည်မှန်းချက်ကို ထိခိုက်နေပြီဟု ယုံကြည်လျှင်လျှော့လုပ်ပါ၊၊ အထောက်အကူပြုသည်ဟု ယုံကြည်လျှင် ပိုလုပ်ပါ။ အမှားကိုမြင်လျှင် အမှန်ကို ချက်ချင်းပြင်ပါ။ အမြင်သစ် အမြင်မှန်ကို အမြဲ ကြိုဆိုလက်ခံပါ။


  • ငြင်းခုံခြင်း၊ ရန်ဖြစ်ခြင်း စသော ပဠိပက္ခများကို အထူးရှောင်ပါ။


  • အမြဲတမ်း ဦးစွာလှုပ်ရှား၊ ဘယ်တော့မှ နောက်ပိတ်ချီး မဖြစ်ပါစေနှင့်။


  • ရှေတန်းသို့ထွက်ပါ။ အနိုင်နှင့်အရှုံးကို ခံနိုင်ရည်ရှိပါစေ။


  • ဘယ်တော့မှမကြိုးစားလျှင် ဘယ်တော့မှ မအောင်မြင်နိုင်။


  • အတော်ဆုံးခေါင်းဆောင်များသည် အမြဲတမ်း လေ့လာ ဆည်းပူးနေသည် ဟူသာ အချက်ကို မမေ့ပါနှင့်။


  • ဘာစကားမှ မပြောပဲနေသင့်သည့် ကာလများရှိသည်ကို သတိရပါ။


  • ယနေ့လုပ်နိုင်တာတွေကို မနက်ဖြန်လုပ်ဖို့ ချန်မထားပါနှင့်။


  • တစ်ဝက်တပျက်သာ ပြီးအောင်လုပ်သော အလုပ်သည် လုပ်အားဖြုန်းသော အလုပ်ဖြစ်သည်။


  • လူပုဂ္ဂိုလ်တစ်ဦးဦးနှင့် တွေ့ဆုံသောအခါ ကိုယ့်အဖို့ရော၊ သူ့အဖို့ပါ မနှစ်မြို့စရာ ခံစားချက်မျိုး မကျန်ရစ်စေရန် ကြိုးစားပါ။



အချစ်သည် အပြစ်များကိုမမြင်ပါ  

Posted by ADMIN in




  • အချစ်ကြောင့် အသည်းကွဲတာ မဆန်းပါဘူး။ အချစ်ကြောင့် ဘ၀ ပျက်သွားရတာသာ ဆန်းတာပါ။



  • ငါ့ဦးနောက်က ငါ့ကိုအမိန့်ပေးနေတယ်၊ ငါ့နှလုံးသားရဲ့အလိုကို ငါ့ဦးနောက်က ခွင့်မပြုဘူး။ မိန်းမ တစ်ယောက်ကို လွယ်လွယ်နဲ့ ဖြစ်သလို မယူရဘူး၊ အိမ်ထောင်တစ်ခုကို တည်ဆောက် တော့မယ်ဆိုရင် ကျကျနန ပြင်ဆင်ပြီးမှ တည်ဆောက် သင့်တယ်တဲ့။



  • လောက၌ အချစ်ဆုံးအရာသည် ဒုက္ခအပေးဆုံး။ ချစ်စရာ တစ်ခုရှိလျှင် ဒုက္ခတစ်ခု၊ ချစ်စရာများလျှင် ဒုက္ခများ၏၊ ချစ်စရာ မရှိတော့လျှင် ဒုက္ခမရှိတော့။



  • အချစ်သည် ရှာလေရှာလေ ဒုက္ခ ပိုများလေဖြစ်သည်။



  • လောကတွင် ဥစ္စာရူးထက် အချစ်ရူး၊ တဏှာရူးသည် ပို၍ အကြည့်ရ အမြင်ရ ဆိုးသည်။ အချစ် စိတ်ကြောင့် ရူးသွပ်ပြီး မစား၊ မအိပ်နိုင်ခြင်းသည် ကိုယ့်ကိုယ်ကို ဒုက္ခ အပေးဆုံးဖြစ်သည်။



  • လူငယ်ဘ၀တွင် ပညာရေး၊ သို့မဟုတ် အသက်မွေးဝမ်းကျောင်း အလုပ်တစ်ခု ရရေးသာ နံပတ်တစ် ဖြစ်သည် ကြင်ယာ အရေးသည် နှစ်ဖြစ်သည်။



  • အချစ်ဟောင်း၏ မီးစ မီးကြွင်းတို့မှာ မကြာခင်မှာပင် မီးစွဲလေ့ရှိသည်။



  • အချစ်သည် (၇)စက္ကန့် တည်တံ့၏၊ ရသာရုံက (၇)မိနစ်ခံ၏၊ စိတ်မချမ်းသာမှုက ဘ၀တစ်လျှောက်လုံး ခိုင်မြဲ တက်၏။



  • မိမိကိုယ်ကို အချစ်နှင့်ထိတွေ့သူသည် မိမိကိုမိမိ ပူဆွေးသောကနှင့် ထိတွေ့မှု ရှိစေသူပင်ဖြစ်သည်။



  • မဆင်မခြင် အိမ်ထောင်ကျ နောင်မှ နောင်တ ရကြလေသည်။ နောက်မှရသော နောင်တသည် ပူပင်ရစမြဲပင်။



  • တွေ့မရှောင် အချောင်စိတ်ဖြင့် ချစ်ခြင်းသည် တစ်ကယ်တမ်းတွင် လုံးဝ ပျော်စရာ မကောင်းပဲ အဖျက် များသာ ခံစား ရတော့သည်။ နောင်မှ အခက်တွေ့အောင် ကြိုးစားမိခြင်း ဖြစ်သည်။



  • သင့်ကိုသင်ချစ်ပါ။ ထိုအခါ သင့်တွင် ပြိုင်ဖက်များရှိမည်မဟုတ်။



  • သစ်ကိုင်းကိုချစ်လျှင် သစ်ပင်ကိုလည်းချစ်ရမည်။



  • တူနှစ်ကို တဲအိုပျက်မှာ နေရနေရ၊ ထမင်းရည်ကိုပဲ သောက်ရသောက်ရ၊ ထမင်ကြမ်းခဲကိုပဲ စားရစားရ တစ်ဦးနှင့် တစ်ဦး ချစ်ရင်ပြီးရော၊ ချစ်ရန်သာ အရေးကြီးသည် ဆိုသော စကားလုံးများမှာ လုံးဝ အနှစ်သာရ မရှိသော အပေါ်ရံကြော အလွယ်တကူ လူတိုင်း ပြောဆိုသော စကားများသာ ဖြစ်သည်။



  • လောက၌ ချစ်သူပါင်းများစွာမှာ ဆင်းရဲခြင်း၊ မပြည့်စုံခြင်းကြောင့် မကွဲသင့်ပဲကွဲ၊ မခွဲချင်ပဲခွဲရသည်မှာ ရင်နာစရာ ကောင်းလှသည်။



သတ္တိ  

Posted by ADMIN in




  • ယောက်ျားကောင်း၊ ယောက်ျားမြတ်တို့၏ အနှစ်သာရမှာ အသိစိတ်၊ အသိတရားဖြစ်၏။



  • တစ်ရွာတည်းသားချင်း၊ တစ်ရပ်တည်းသားချင်း၊ တစ်ကျောင်းတည်း သားချင်း တစ်ဦးက နွားကျောင်းသား ဖြစ်၍ တစ်ဦးက ၀န်ကြီးချုပ် ဖြစ်ရခြင်းသည် သတ္တိဖြစ်သည်။



  • သတ္တိသည် လုပ်ရည်ကိုင်ရည်နှင့် လုပ်ရဲကိုင်ရဲမှု နှစ်ခုလုံး အကျုံးဝင်သည်။



  • ပြောရဲဆိုရဲ၊ လုပ်ရဲကိုင်ရဲ၊ တွေးရဲတောရဲ ရှိရမည်။



  • သတ္တိကို မွေးမြူပြီးသော် သင့်အားရှေ့တန်း၌သာ တွေမြင်ရတော့မည်။



  • လူ့ဘ၀တွင် အမှောင်ကြီးများ ကျတက်ပါ၏၊ လူ့ဘ၀တွင် တိမ်များ ဖုံးနေတက်ပါ၏၊ သို့သော် ဘာမျှ စိတ်ဓာတ်မကျပါနှင့် တိမ်တိုက်တိုင်းတွင် ငွေနားကွပ်လေးတော့ ရှိစမြဲပါ။



  • ကျဆုံးချင်း ဆိုသည်မှာ အောင်မြင်မှု အတွက် ပထမ ခြေလှမ်းဖြစ်သည်။



  • သရော်လှောင်ပြောင်မှု ခံရတိုင်း သည်းခံစိတ်ပေါ်တွင် သတ္တိအပင်ကိုစိုက်ပါ။ မကြာမီ သီးပွင့်လာမည်မှာ ဧကန်ဖြစ်ပါ၏။



  • စိတ်ပျက်အားငယ်မှုနှင့် ကြုံတိုင်း သတ္တိကို မွေးမြူရ၏။ စိတ်အားငယ်မှုကို ဒီအတိုင်း ဆက်ထားပါက မိမိ စိတ်ဓာတ်သည် မြောင်းထဲ ရောက်သွားနိုင်ပါ၏။ စိတ်အားငယ်မှုကို သတ္တိက ချေဖျက်နိုင်သည်။



  • သင့်ပန်းတိုင်သို့ ချီတက်ရေး ကိစ္စကို ပျက်ဆီးစေနိုင်သော အရာကား သင့်ကိုသင် မယုံကြည်ခြင်း ဖြစ်ပါ၏။



  • ကျွန်ုပ်တို့တွင် ရှိသော သံသယစိတ် များသည် သစ္စာဖောက်များဖြစ်သည်။



  • သင်သည် ဘာဆိုဘာမှ မလုပ်ပဲနေလျှင် ဆုံးရှုံးမှုကို ရှောင်ရှားနိုင်ပါ၏။ တစ်ချိန်တည်းမှာပင် အောင်မြင်မှု ကိုလည်း ရှောင်ရှားပြီးသား ဖြစ်နေသည် ဆိုသောအချက်ကို မမေ့ပါနှင့်။



  • လူစွမ်းကောင်း အောင်မြင်သည့် အကြောင်းကိုသာ တွေးတော နေတတ်သည်၊ သာမန်လူတို့သည် သက်သာမှု အကြောင်းများကိုသာ တွေးနေတတ်၏။



လူကို " စိတ် " က အုပ်စိုးသည်  

Posted by ADMIN in


  • လူကို စိတ်ကအုပ်စိုး၍ စိတ်ကို စဉ်းစားတက်တဲ့ အသိဥာဏ်က အုပ်စိုးတယ်။


  • စိတ်ဓာတ်ပျက်လျှင် ဒုက္ခကြီးလာ၏၊ စိတ်ဓာတ်တက်လျှင် ဒုက္ခသေးသွား၏၊ စီးပွားပျက်လျှင်လည်း စိတ်ဓာတ်မပျက်နှင့်၊ ကျန်းမာရေးပျက်လည်း စိတ်ဓာတ်မပျက်နှင့်။


  • သတ္တ၀ါအားလုံး၏ ကံကြမ္မာ စိတ်ဓာတ်တွင်သာရှိသည်။



  • စူးစိုက်သောသမာဓိသည် စိတ်တန်ခိုး။ စိတ်ဓာတ်ကြွယ်ဝမှ လူကြွယ်ဝသည်။ စိတ်ဓာတ်သန်မှ လူသန်သည်။ စိတ်မွဲလျှင် လူလည်းမွဲတော့သည်။



  • သောကစိတ်သည် အထွေထွေသော ဒုက္ခဆင်းရဲခြင်း၏ မြစ်ဖျားခံရာဖြစ်သည်။



  • စိတ်တို့မည်သည် ညစ်မည်ဆိုလျှင် တိုး၍တိုး၍သာ ညစ်ပြီးမညစ်တော့ပါဘူးဆိုလျှင် တစ်နေ့တစ်ခြား အညစ်ပြေသွားတော့သည်။



  • အောင်စိတ်ရှိမှအောင်မြင်မည်။



  • ရှုံးနိမ့်မှုသည် ရဲစွမ်းသတ္တိရှသူတို့အဖို့ အောင်မြင်ခြင်းတက်လှမ်းရန် ခုတုံးများဖြစ်သည်။



  • လူတစ်ယောက်၏ စိတ်နေသဘောထားကို ကြည့်လျှင် ထိုသူ၏ အနီးစပ်ဆုံးလူများ၏ ဆက်ဆံရေး ကိုကြည့်ပါ။



  • စိတ်သဘောထား ကြီးမြတ်သူတို့သည် ကြီးကြယ်မြင့်မြတ်သော ရည်မှန်းချက်ကိုသာ မျှော်မှန်း ထားကြသည်။



  • စိတ်ဆိုးစဉ် စကားမပြောနှင့်။ မှန်သောစကားဆိုမှ ကျော်ဇော၏ ကျော်ဇောမှ အလုပ်တွင်၏။



  • စိတ်ဓာတ်ရင့်ကျက် ကြံ့ခိုင်တည်မြဲစေရန်မှာ တစ်ခဏလုပ်၍မရနိုင်၊ စွဲမြဲစူးစိုက် အချိန်ပေးလုပ်ယူရမည်။



  • စိတ်ဆိုးခြင်းသည် ခေတ္တရူးခြင်းတစ်မျိုးပင်။



  • လောက၌ စိတ်ကူးရုံသာစိတ်ကူးပြီး အလုပ်တစ်စုံတစ်ခု မလုပ်ဘဲ ကြီးပွားခြင်းရယ်လို့မရှိ။ စိတ်ကူးကို စွန့်စွန့်စားစား လုပ်ခဲ့သူတွေသာ ကြီးပွားတိုးတက်ခဲ့၏။ ကြီးပွားသူတိုင်းသည် အပင်ပန်းခံ ကြိုးကြိုးစားလုပ်ကြသည်။



  • အလွန်ညံ့ဖျင်းသော စိတ်ယုတ်မာအပေါင်းတွင် ကြောက်ရွံ့စိတ်သည်အဆိုးရွားဆုံးဖြစ်၏။



  • သင့်ဆန္ဒသာလျှင်ပြင်းပြပါစေ၊ သင်မုချအောင်မြင်ရမည်။



  • ညစ်ညမ်းတဲ့ပတ်ဝန်းကျင်မှာ ရောက်နေလို့ စိတ်ဓာတ်မပျက်ပါနဲ့။ ကြာပန်းလို ရွှံ့ထဲက ထိုးထွက် ရေပေါ်မှာ နေပြလိုက်စမ်းပါ။



  • ကိုယ်ဟာ တစ်ဆင့်ထက်တစ်ဆင့် အမြင့်ကိုရောက်လာတိုင်း ကျေနပ်တင်းတိမ်မနေပါနဲ့။ အမြင့်ဆုံးရောက်သည့်တိုင်အောင် ကြိုးစားရုန်းကန်ရမည်။



ရိုးသားခြင်း၏ အခြားတစ်ဖက်မှာ  

Posted by ADMIN in

" အမှန်တကယ် ဖြစ်နေတာတွေကို အမှန်အတိုင်း လက်ခံနိုင်ဖို့ သိပ်အရေးကြီးတယ်။ စိတ်ချမ်းသာအောင် ကိုယ့်ကိုယ်ကို လှည့်စားတာတွေ သူတပါးကို လှည့်စားတာတွေ ရှိတယ်။ အဲဒီလို လှည့်စားလာဟာ စိတ်ထဲမှာ ပဋိပက္ခ ဖြစ်စေတယ်။ ပဋိပက္ခဟာ စိတ်ဓာတ် အင်အားကို ကုန်ခန်းစေတယ်။ လှည့်စားမှု ထဲမှာပဲ အင်အား တော်တော်များများ ကုန်သွားပြီး၊ အသိအမြင် ရှင်းလင်းမှု လွတ်လပ်မှုရဖို့ အရေးမှာ သုံးစရာ အင်အား မကျန်တော့ဘူး။ အမှန်ကို လက်ခံဖို့ ကိုယ့်ကိုယ်ကို မညာဖို့ ရိုးသားမှုရှိဖို့ လိုတယ်။ ရိုးသားမှုရှိမှ အသိဥာဏ်ပွင့်မယ် " ။

အထက်ပါ စာပိုဒ်လေး ကတော့ သတိ ဆိုတဲ့နေအိမ်ရယ်၊ အပျော်ဆုံးလူရယ်၊ ဗုဒ္ဓရင်ခွင်မှာ ဆိုတဲ့ တရားသုံးပုဒ်ကို စုပေါင်း ထုတ်ဝေခဲ့တဲ့ မဟာမြိုင် ဆရာတော် ဦးဇောတိကရဲ့ တရားစာအုပ်ထဲက ဗုဒ္ဓရင်ခွင်ဆိုတဲ့ တရားတော်ထဲက စာပိုဒ်လေး တစ်ခုပဲ ဖြစ်ပါတယ်။ တစ်ခါက စာရေးသူ တစ်ယောက်က ရေးထားတာ ဖတ်ဖူးပါတယ်၊ သိပ်ကောင်းတဲ့ စာအုပ်ကို ဖတ်ရတဲ့အခါမှာ ပြီးသွားမှာ စိုးတာကြောင့် စာကို ဖြေးဖြေးပဲ ဖတ်တယ်တဲ့။ သူ့အဆိုကိုဖတ်ရတော့ စာရေးသူနဲ့ သဘော တိုက်ဆိုင်တာကြောင့် နှစ်ခြိုက်မိပါတယ်။ စာရေးသူကတော့ ကိုယ်သဘောကျတဲ့ စာတစ်ပိုဒ်ကို ဖတ်လိုက်ရတဲ့အခါမှာ စာကို ရှေ့ဆက်ပြီး မဖတ်နိုင်တော့ပဲ ကိုသဘောကျတဲ့ စာပိုဒ်ကို အနုလုံပဋိလုံ အပြန်ပြန် အလှန်လှန် စဉ်းစား ဆင်ခြင်မိပါတယ်။

ဆရာတော် ဦးဇောတိကရဲ့ အထက်ပါ တရားတော်ထဲက စကားလေးကို ဖတ်ရတဲ့ အခါမှာလဲ စာကို ရှေ့ဆက် မဖက်နိုင်အောင်ပဲ ဖြစ်ရပါတယ်။ ဒီစကားလေး အပေါ်မှာလည်း အပြန်ပြန် အလှန်လှန် စဉ်းစားနေမိပါတယ်။ သဘောကျမိရင်း သဘောကျရင်းနဲ့ သဘောကျ မဆုံးနိုင်အောင်လည်း ဖြစ်ရပါသေးတယ်။ ပထမ စာကြောင်းဖြစ်တဲ့ အမှန်တကယ် ဖြစ်နေတာ တွေကို အမှန်အတိုင်း လက်ခံဖို့ သိပ်အရေးကြီးပါတယ် ဆိုတာကပဲ အဓိပ္ပါယ် ကျယ်ပြန့်လှကြောင်း တွေ့ရပါမယ်။

ရိုးသားမှုရဲ့ ခိုင်းနှိုင်းဖွယ်မရှိတဲ့ အတုမဲ့ ဂုဏ်ရည်တွေကို နေရာ တော်တော်များများမှာ လူအတော်များများဆီက မကြာမကြာ ကြားရတာကြောင့် စာရေးသူတို့ အနေနဲ့ နားရေ ၀နေပါပြီ။ ရိုးသားခြင်းဆိုတာ မြင့်မြတ်တဲ့ အရာတစ်ခု ဖြစ်တယ် ဆိုတာကိုလဲ စာရေးသူတို့ ကိုယ်တိုင် ယုံကြည် လက်ခံကြပါတယ်။ စာရေးသူတို့ ကိုယ်တိုင်လည်းပဲ ရိုးသားခြင်း ဂုဏ်ရည်ကို ပိုင်ဆိုင်သူအဖြစ် အများတကာရဲ့ အသိအမှတ်ပြုမှုကို ရယူ ပိုင်ဆိုင်လိုတက်ကြစမြဲပါပဲ။ ရိုးသားခြင်းဂုဏ်ကို မမြတ်နိုးသူရယ်လို့ ရှိနိုင်မယ်တောင် မထင်ပါဘူး။ အလွန်တရာ ကောက်ကျစ် ယုတ်မာ သူတစ်ယောက် ဖြစ်နေဦးတောင်မှပဲ ရိုးသားမှုဂုဏ်ကိုတော့ မြတ်နိုးမှာအမှန်ပါပဲ။ ကိုယ်ကိုယ်တိုင် မရိုးသားသည့်တိုင် ကိုနဲ့ ပေါင်းသင်း ဆက်ဆံရတဲ့ သူများကိုတော့ ယုံကြည်ရတဲ့သူများ၊ ရိုးသားသူများသာ ဖြစ်စေခြင်တဲ့ ဆန္ဒဟာ ရိုးသားမှုကို လူတိုင်း မြတ်နိုးတယ်ဆိုတဲ့ စကားအတွက် ခိုင်မာတဲ့ သက်သေကောင်း တစ်ခုပဲဖြစ်ပါတယ်။

ရိုးသားခြင်းဂုဏ်ကို ပိုင်ဆိုင်သူတစ်ယောက် ဖြစ်ဖို့အတွက် ဆိုရင်တော့ အမှန်တကယ် ဖြစ်နေတာတွေကို အမှန်အတိုင်း လက်ခံဖို့ လိုပါလိမ့်မယ်။ အမှန်တကယ် ဖြစ်နေတာတွေကို အမှန်အတိုင်း လက်မခံပဲနဲ့တော့ ရိုးသားသူ တစ်ယောက် ဘယ်နည်းနဲ့မှ ဖြစ်နိုင်မှာ မဟုတ်ပါဘူး။ အမှန်အတိုင်း လက်မခံနိုင်သူ တစ်ယောက်ရဲ့ နှုတ်က ထွက်လာတဲ့ ရိုးသားဟန် နှုတ်ထွက်စကားကားနဲ့ လုပ်ရပ်များဟာလဲ အယောင်ဆောင်ဟန်ပြ အတုအယောင်များသာ ဖြစ်ပါလိမ့်မယ်။ တကယ်တော့ အမှန်အတိုင်း လက်ခံနိုင်ဖို့ ဆိုတာကလဲ အပြော လွယ်သလောက် လက်တွေ့ပိုင်းမှာ ခက်ခဲလှပါတယ်။ စိတ်အားသတ္တိ ပျော့ညံ့သူတို့ အနေနဲ့ဆိုရင် လိုက်နာနိုင်ဖို့ အင်မတန် ခဲယဉ်းမှာပါ။ ခဲယဉ်းပေမယ့်လဲ ရုပ်ပိုင်းဆိုင်ရာ ဖွံ့ဖြိုး တိုးတက်မှုအတွက် နည်းမှန်လမ်းမှန် ကြိုးစားယူရင် ရနိုင်သလို စိတ်အားသတ္တိ ဖွံ့ဖြိုးတိုးတက်မှု အတွက်လဲ နည်းမှန်လမ်းမှန် ကြိုးစား အားထုတ်ယူရင် ရနိုင်ပါတယ်၊ တကယ်တော့ စာရေးသူတို့တစ်တွေဟာ စိတ်ပိုင်းဆိုင်ရာ ဖွံ့ဖြိုးတိုးတက်မှုအတွက် အချိန်ပေး လေ့လာအားထုတ်မှု နည်းတာကြောင့် စိတ်အား သတ္တိများကလည်း ဖွံ့ဖြိုးတိုးတက်မှု နည်းပါးရခြင်းပဲ ဖြစ်ပါတယ်။ စိတ်အားသတ္တိဖွံ့ဖြိုးတိုးတက်မှု အတွက် အကောင်းဆုံး နည်းကတော့ စိတ် အခြေအနေအမှန်ကို နားလည်အောင် ကြိုးစားခြင်းပဲဖြစ်ပါတယ်။ စိတ်အခြေအနေအမှန်ကို နားလည်ဖို့အတွက် စိတ်ကို လေ့လာအကဲခက်ဖို့ လိုပါလိမ့်မယ်။

စာရေးသူတို့တတွေအနေနဲ့ ကိုယ့်စိတ် အခြေအနေအမှန်ကို နားလည်အောင် ကြိုးစားမှုပြု လုပ်လေ့ နည်းတာကြောင့် စာရေးသူတို့စိတ်အပေါ် ကျရောက်လေ့ရှိတဲ့ ဘေးအန္တရာယ် များကိုလဲ မသိမြင်နိုင်ကျပါဘူး။ ဘေးအန္တရာယ်များ ကျရောက်နေတာကို မသိတဲ့အတွက် ကုစားဖို့ ဆိုတာလည်း မသိပြန်ပါဘူး။ ကြိုတင်ကာကွယ်နည်းနဲ့ ကုစားသူ ဆိုတာကတော့ အတော်ပဲ နည်းပါးပါတယ်။ အဲဒီလိုဘေးအန္တရာယ်များကို ကုစားမှုမပြုခြင်း၊ ကြိုတင်ကာကွယ်မှု မပြုခြင်းကြောင့် ဒဏ်ရာ အနာတရများနဲ့ ညစ်ထေး နေတဲ့စိတ်ဟာ ခံနိုင်ရည်စွမ်းရည်နဲ့ ထက်မြက်မှု သတ္တိအင်အားတို့ နည်းပါးလေမှာ အမှန်ပဲ။ စိတ်အားသတ္တိ နည်းပါးနေလျင်လည်း လူတစ်ယောက်အတွက် မရှိမဖြစ်တဲ့ စားဝတ်နေရေး အရေးသုံးပါးကြောင့်ဖြစ်စေ၊ အခြားအခြားသော အခြံအရံ လိုအပ်ချက်တစ်ခုခုကြောင့်ဖြစ်စေ၊ အခြေအနေတစ်ခုက တောင်းဆို လာတဲ့အခါမှာ အဲဒီလို လိုအပ်ချက်တွေကို ဖြည့်ဆည်းဖို့ ရိုးသားမှု ဂုဏ်သိက္ခာကို အလွယ်တစ်ကူ စွန့်လွှတ်တက်ကျပါတယ်။

အထူးသဖြင့်တော့ လူ့ပတ်ဝန်းကျင်က ပြဌာန်း သက်မှတ်ထားတဲ့ အနှစ်မဲ့ ဂုဏ်သိက္ခာကို ရယူ ပိုင်ဆိုင်နိုင်ဖို့ အတွက် သဘာဝက သတ်မှတ်ထားတဲ့ တကယ့် အစစ်အမှန် အနှစ်ပြည့် ဂုဏ်သိက္ခာများနဲ့ အလွယ်တကူ လဲလှယ် အစားထိုးကြခြင်းပဲ ဖြစ်ပါတယ်။ တစ်ဖက်က သက်မှတ်ချက် ဂုဏ်သိက္ခာများ တောက်ပြောင်လာလေ တစ်ဖက်မှာတော့ စစ်မှန်တဲ့ သဘာဝ ဂုဏ်သိက္ခာများ ဆုတ်ယုတ်ညစ်နွမ်းလေ ဖြစ်ရတာတော့ အလွန်မှပဲ ၀မ်းနည်းဖွယ် ကောင်းလှပါတယ်။ ပုဂ္ဂိုတစ်ယောက်မှာ အစစ်အမှန် ဂုဏ် အရေအသွေးများ နည်းပါးလာတာနဲ့အမျှ အမှန်တကယ် ဖြစ်နေတာကို အမှန်အတိုင်း လက်ခံဖို့ ဖြစ်နိုင်ချေ နည်းပါးသွားပါတော့တယ်။ အဖြစ်အမှန်တွေကို အမှန်အတိုင်း လက်မခံနိုင်သူ တစ်ယောက် ဖြစ်လာတာနဲ့ အမှန်တရား ကြောက်ရွံ့မှုစိတ်များကလည်း တပါတည်း ပူးတွဲ ပါဝင်လာပါတော့တယ်။ ကြောက်ရွံ့သူတစ်ယောက်ဟာ အားကိုးရာ ပုန်းခိုရာ ရှာဖွေ တတ်တာကလည်း သဘာဝပဲ ဖြစ်ပါတယ်။ အားကိုးရာကို ရှာဖွေရာမှာ ကိုယ့်အားကိုကိုး မှီခိုရမည့်သူရဲ့ အများအပေါ် တရားမှုမတရားမှု ၊ (သို့မဟုတ်) ရိုးသားဖြောင့်မတ် တည်ကြည်မှု ရှိမရှိကိုပင် ဂရုပြုမနေနိုင်တော့ပဲ ကိုယ့်အတွက် အကျိုးအမြတ်ရ နိုင်မှု မရနိုင်မှုလောက်ကိုပဲ ကြည့်ရှု့တတ် ကြပါတယ်။

ပုန်းခိုရာကို ရှာရာမှာလည်း ကိုယ့်ကိုယ်ကို ဖုံးကာနိုင်တဲ့ လုံခြုံရာ တစ်ခုခုကို ရှာဖွေနိုင်ခြင်းနဲ့ ကြည့်တတ်သူများ မမြင်နိုင်အောင် အမြင်အာရုံများ မှုန်ဝါးသွားအောင် ပြုလုပ်ခြင်း စတဲ့ နည်းမျိုးစုံ အသုံးပြုလာတတ်ပါတယ်။ ကိုယ့်ကိုယ်ကို ဖုံးကာနိုင်တဲ့ လုံခြုံရာ တစ်ခုခုကို ရှာဖွေရာမှာ သူတစ်ပါထံမှာ ရှိနေတဲ့ ဂုဏ်သိက္ခာအဖုံး အကာကို မတရားသောနည်းနဲ့ ရယူပြီး မိမိရဲ့ အကြောက်တရားကို ဖုံးကာဖို့ ကြိုးစားတတ်ပါသေးတယ်။ တစ်ချို့ကတော့ လုံခြုံနိုးနဲ့ အသာလေး ခေါင်းလျိုလို့ နေတတ်ပါတယ်။ ရန်သူမြင်မှာ စိုးတာကြောင့် သဲထဲကို ခေါင်းလျိုပြီး နေတတ်တဲ့ ကန္တာရနေ(ostrich) ငှက်ကုလားအုပ်လို ပုဂ္ဂိုလ် မျိုးတွေပေါ့။ ကိုယ်က အပြင်လောက ကိုမမြင်ရုံနဲ့ တစ်ပါးသူတွေ ကလည်း ကိုယ့်လိုပဲ မမြင်နိုင်လောက်ဘူးရယ်လို့ တွေးထင်ယူဆမိတဲ့ သဘောပါ။ နောက်ပြီး တစ်ပိုင်းတစ်စကို လုံအောင်ဖုံးကာနိုင်ပေမဲ့ ကျန်တဲ့အပိုင်းက လှစ်ဟပြထားသလို ဖြစ်နေတယ်ဆိုတာ ကိုတောင်မှ သတိမမူနိုင်တဲ့အထိ ဖြစ်သွားတတ် ပါသေးတယ်။

တစ်ချို့ကတော့ ကိုယ့်ကိုယ်ကို ပုန်းခိုရာမရှာပဲ တစ်ပါးသူများရဲ့ အမြင်အာရုံ ပြောင်းလဲ သွားအောင် အမြင်များ မှုန်ဝါးဝေသီ သွားအောင် မတရားနည်းနဲ့ ဖန်တီး ပြုလုပ်တတ်ပါတယ်။ တစ်ပါသူးများရဲ့ စွမ်းအားအမှန်တွေကို မတရားနည်းနဲ့ ချိနဲ့သွားအောင် လုပ်ကတည်းကိုက အမှန်တရားဆိုတာ လုံးဝမဖြစ်နိုင်ပါဘူး။ စွမ်းအားသတ္တိ ခိုင်မာသူတို့ တစ်နည်းအားဖြင့် ကိုယ့်ခံစွမ်းအား ကောင်းသူတို့က အမှန်တရားနဲ့ တစ်သားတည်း ဖြစ်နေတာကြောင့် အမြင်စွမ်းအားများ ထက်သန်နေတယ်။ ကိုယ့်ရဲ့ ဖန်တီးလှုံ့ဆော် ပြောင်းလွဲစေမှုများ အရာမထင် ဖြစ်နေတယ်ဆိုရင် ကိုယ့်အလိုကျ မဖြစ်ရကောင်းလားလို့ မလိုစိတ်ထား ဖြစ်တတ်ပါတယ်။ ဒီအခါမှာ ဆန့်ကျင်ဖက် ပဋိပက္ခတရားဟာ အထင်အရှားပေါ်လာတတ်ပါတယ် ။

ပဋိပက္ခ ဖြစ်လာတာနဲ့ ကိုယ့်နဲ့အယူအဆ မတူသူကအမှား ကိုယ့်ဖက်တရားက အမှန်ရယ်လို့ ဘက်မမျှတဲ့ စိတ်ထားများလည်း ပေါ်ပေါက်လာပါတယ် ။ တစ်ဆင့်တက်လို့ ကိုယ့်ဘက်တရားက အမှန်ဆိုတာ သက်သေထူဖို့ ကြိုးသားပါတော့တယ်။ သက်သေထူဖို့ ကြိုးစားရာမှာလည်း ကိုယ်ဖြစ်စေချင်တဲ့ ကိုယ့်လိုအင်ဆန္ဒကို ထောက်ကူပေးမယ့် ပုဂ္ဂိုလ်မျုိးနဲ့ ကိုယ့်အယူအဆနဲ့ ညီမျှတဲ့ တရားမျိုးတွေကိုသာ သက်သေအဖြစ် ခေါ်ယူတာမို့ ကိုယ့်ရဲ့ အယူအဆတရားသာ အမှန်ဆိုတဲ့ သဘောဟာ ခိုင်မာသထက် ခိုင်မာစေပါတော့တယ် ။ ဒီအချိန်မှာတော့ လှည့်စားမှုတရားများကလည်း အထွဋ်အထိပ်ကို ရောက်ရှိလာပါတော့တယ်။ အစပထမမှာတော့ ပတ်ဝန်းကျင် အများအပေါ်လှည့်စားပြီး တဖြည်းဖြည်းနဲ့ ကိုယ့်ကိုယ်ကိုပါ မသိမသာ ပြန်လည်လှည့်စားလာပါတော့တယ်။

သူတစ်ပါးကို လှည့်စားခြင်းဟာ အလွယ်တကူပြေပျောက်နိုင်ပေမဲ့ ကိုယ့်ကိုယ်ကို လှည့်စားမှုကတော့ လွယ်လင့်တကူ ပြေပျောက်ဖို့ ခဲယဉ်းပါတယ်။ ကိုယ့်ကိုယ်ကို ဆင်ခြေအမျိုးမျိုး ပေးပြီးလည်း နေတတ်ပါတယ်။ ဘယ်လောက်အထိ ဖြစ်လာနိုင်သလဲဆိုရင် အမှန်တရား အရိပ်အယောင်လမ်းစကို တွေ့ရတာတောင် မထူးတော့ပါဘူးလေ ဆိုတဲ့ မထူးဇာတ်ခင်းတဲ့ အနေအထားအထိ ဖြစ်သွားတတ်ပါတယ်။ ဒီအခြေအနေမှတော့ `ဆေးကုလို့ မရပါ ´ ဆိုတဲ့ အနေအထားမျိုးမို့ မဖောက်ပြန်တဲ့ လောကနိယာမအရ သဘာဝတရားရဲ့ ပြတ်သားစွာဒဏ်ခတ်မှုကို မလွဲမသွေ ခံရပါလိမ့်မယ်။

အမှန်တကယ် ဖြစ်နေတာတွေကို အမှန်အတိုင်းလက်မခံ နိုင်ခြင်းရဲ့ နောက်ဆက်တွဲ ဆိုးကျိုးများကတော့ ပြော၍ ကုန်နိုင်ဖွယ် မရှိသလို အလွန်မှလည်း ကြောက်ရွံထိတ်လန့် ဖွယ် ကောင်းလှတာကို မကြာခဏဆိုသလို စဉ်းစားနေမိ တတ်ပါတယ်။ ( အရှင်ဥာဏိကာဘိသ )



မိဘေက်းဇူး  

Posted by ADMIN in

ကျွန်တော်တို့တွေ အားလုံး အမေ့ဆုံးသော အရာတစ်ခု ရှိပါတယ်။ အခြား မဟုတ်ပါဘူး။ မိဘကျေးဇူးဆပ်ခြင်း ဆိုတာပါပဲ။ မိဘတွေရဲ့ ကျေးဇူးကို ဆပ်ရမယ်ဆိုတာ ကျွန်တော်တို့ အားလုံးသိကြပါတယ်။ ကလေးဘ၀ ကတည်းက ပုံပြင်တွေ၊ ကဗျာတွေ၊ အမျိုးမျိုး သင်ခဲ့ကြပြီးလည်း ဖြစ်ပါတယ်။ ဒါပေမယ့် ကျွန်တော်တို့ ဘာကြောင့် အခုချိန်ထိ မိဘ ကျေးဇူးကို ဆပ်ဖို့ အကောင်အထည် မဖေါ်ကြတာလဲ??၊ မေ့လျှော့ ပေါ့ဆ နေကြတာလဲ??၊ မမေ့လျှော့တဲ့ သူတွေကရော ဒါလေးလုပ်ဖို့ကို ဘာကြောင့် ရေးကြီးခွင့်ကျယ် လုပ်နေကြရတာလဲ??။ ကိုယ့်ကိုယ်ကို မေးကြည့်ပါတယ်။ ကိုယ်ဖက်က ပြည့်စုံမှ ဆပ်မှာလား?။ အဲဒီလို လုပ်လို့တော့ မရပြန်ဘူးဗျ။ ကျွန်တော်တို့က တဖြည်းဖြည်း ရင့်ကျက် တည်ငြိမ်လာပြီး ပြည့်စုံလာတယ် ပဲထားအုံး မိဘတွေရဲ့ အသက်ကရော၊ ရပ်နေမှာမှမဟုတ်တာ။ သူတို့တွေလည်း အသက်တွေ ကြီးလာမှာပဲ။ ဒီလိုနဲ့ ကျေးဇူးဆပ်ဖို့ ပြင်နေရင်းနဲ့ပဲ မဆပ်လိုက်ရတဲ့ သားသ္မီးတွေလည်း တစ်ပုံကြီးရှိပါတယ်။ မိခင် ဒါမှမဟုတ် ဖခင် တစ်ဦးသာ ရှိတော့တဲ့သူတွေ ဆိုရင် ပိုပြီးတောင် အလေးအနက် ထားသင့်ပါတယ်။ မိဘထက် အရေကြီးတဲ့သူ၊ မိဘထက် ကျေးဇူးကြီးတဲ့သူ ဆိုတာ ရှိနိုင်ပါ့မလား။ မိဘကျေးဇူး ဆပ်ခွင့်ရတယ်ဆိုတာ တော်ရုံတန်ရုံ အခွင့်အရေးတော့ မဟုတ်ပါဘူး။ ၀မ်းတွင်မှာ သန္ဓေ စပြီး တည်ကတည်းနေ အခုချိန်ထိ မိဘဆီက မှီခိုမှု ကင်းအောင် ဘယ်လောက် နေနိုင်ပြီလဲ။ အခုချိန် ချွတ်ခြုံကျသွားရင်ရော မိဘကလွဲပြီး ကျွန်တော်တို့ကို ဘယ်သူကများ လက်ခံမှာတဲ့လဲ..........။



  • သည်ကနေ့ မင်းဖြစ်နေသမျှ၊ နောက်တစ်နေ့ မင်းဖြစ်မယ်လို့ မျှော်မှန်းနိုင်သမျှ အားလုံး မင်းမိဘ ကျေးဇူကြောင့်။

  • ငါ့ဘ၀တွင် ရတနာသုံးပါးသည် နိဗ္ဗာန်၊ အမေသည် အသက်သခင်၊ အဖေသည် မီးရှူးတိုင်၊ ဆရာသည် လမ်းပြကြယ်။

  • ငါ့ဘ၀တွင် ငါ့မိဘသာ ရှိနေပါစေ။ ဒုက္ခဟူသမျှ လက်ပြခေါ်ပါ့မယ်။

  • ငွေနဲ့ အရာရာကို ဖန်တီးယူနိုင်တယ်တဲ့။ ဖြစ်နိုင်ပါလိမ့်မယ်။ ဒါပေမယ့် မိဘတို့ရဲ့ မေတ္တာ၊ စေတနာ၊ အနစ်နာခံမှု တွေကိုတော့ ငွေနဲ့ လဲလို့ မရပါဘူး။

  • မိခင်တိုင်းရဲ့ရင်ခွင်ဟာ သားသ္မီးတိုင်းအတွက် ဆောင်းမှာ နွေးထွေးမှုကို ပေးနိုင်သလို နွေမှာလည်း အေးမြမှုကို ပေးစွမ်းနိုင်ပါတယ်။

  • အပူမီးကုဋေ အမေ့ရင်မှာ ၀န်းရံသော်လည်း အပြုံးမပျက် သားမှေးဆက်ရန် သားချော့တေးသံ ရင်တွင်းမှာလေ လှိုက်လှိုက်လှဲလှဲ သီဆိုဆဲပါလေ။

  • လပြည့်ည လ၀န်းထက် အမေ့မျက်ဝန်းက ပို၍ စိုရွှန်းတောက်ပ၏။

  • ငါ့ရဲ့ပထမအချစ်က မိခင်၊ ဒုတိယနှလုံးသား ကဖခင်။

  • လောကမှာ မိမိအပေါ် ဘယ်သူတွေ မေတ္တာပျက်ပျက်၊ မိဘနှစ်ပါးက မေတ္တာမပျက်ဘူး။

  • စီးပွားရေး တောင့်တင်း ခိုင်မာသူတို့သည် မိဘအား ထောက်ပံ့ ကြည့်ရှုနိုင်ခြင်းဟူသော ကြီးမားသော ဆုလဘ်ကို ရရှိကြသည်။

  • မသိတတ်ခင်က မိဘကို စိတ်ညစ်စေတာကို ထားလိုက်တော့။ အခု သိတတ်ပြီ။ မိဘကို ပျော်ရွှင်ပါစေတော့။

  • မိဘကျေးဇူးကို ဆပ်ခွင့်ရတုန်းမှာ အရအမိဆပ်ပါ။

  • မိဘ၊ ဆရာရဲ့ မေတ္တာကို အောင်မြင်မှုနဲ့ ကျေးဇူးဆပ်တာအကောင်းဆုံး။



ဗုဒ္ဓံ သရဏံ ဂစ္ဆာမိ

ဓမ္မံ သရဏံ ဂစ္ဆာမိ

သံဃံ သရဏံ ဂစ္ဆာမိ
Google Groups
Subscribe to Myanmar Daily Mail
Email:
Visit this group

မြန်မာမီဒီယာ

ပြင်ပမီဒီယာ

နိုင်ငံရေး ပါတီများ

ဖျော်ဖြေရေး


ယခု တွေးခေါ်တတ်သူ()ဦး ဖတ်ရှုနေပါသည်။

Antenna System

Antenna System

WIFI

WIFI

Wireless System

Wireless System

433MHZ Antenna

433MHZ Antenna

GPS-tracker

GPS-tracker

History of movement

History of movement

Event Location

Event Location

MATLAB Simulation

MATLAB Simulation

Popular Posts

My photo
I am doing what I should do in order to do what I want to do.

My Ph.D Research

My Ph.D Research

Ph.D ကာလ ကျနော် လုပ်နေသော Research နှင့် ပါတ်သက် သော စာအုပ် များကို project တူသော ပုဂ္ဂိုလ် များနှင့် Satellite Navigation & Traffic Control Systems ကို စိတ်ဝင်စားသူများ အတွက် အလွယ် တကူ download ချနိုင်ရန် စုစည်း ပေးထား ပါသည်........။

Global Navigation Satellite System (GNSS)

Global Navigation Satellite System (GNSS)

NAVSTAR

NAVSTAR

GLONASS

GLONASS

Galileo

Galileo

My Master Research

Master တက်စဉ်က ကျနော် လုပ်ခဲ့သော Research နှင့် ပါတ်သက် သော စာအုပ် များကို project တူသော ပုဂ္ဂိုလ် များနှင့် Automatic Control System ကို စိတ်ဝင်စား သူများ အတွက် အလွယ် တကူ download ချနိုင်ရန် စုစည်း ပေးထား ပါသည်........။

Global Positioning System (GPS)

Global System for Mobile communications (GSM)

Global System for Mobile communications (GSM)

Microcontroller

Microcontroller

Dynamic theory

Dynamic theory

Philosophy

meepyatite.com